पोलीस पथकाला पोलीस आयुक्त अमितेश कुमार यांच्याकडून एक लाखांचे रोख बक्षिस
पुणे : Pune Railway Satation Kidnapping Case | पुणे रेल्वे स्थानकाच्या परिसरातून सहा महिन्यांच्या बालकाचे अपहरण करण्यात आले होते. हा प्रकार सीसीटीव्हीमध्ये (CCTV) कैद झाला होता. बंडगार्डन पोलिसांनी सीसीटीव्ही आणि तांत्रिक विश्लेषणाच्या आधारे गुन्ह्याचा तपास करुन अपहण झालेल्या बाळाची कर्नाटकातून सुखरुप सुटका केली आहे. तसेच अपहरण करणाऱ्या व बाळाला विकत घेणाऱ्या आरोपींना अटक केली आहे.
श्रावण अजय तेलंग (वय-6 महिने) असे अपहरण झालेल्या बालकाचे नाव आहे. याप्रकरणी चंद्रशेखर मालकाप्पा नलूगंडी (वय 24 रा. जांबगी, ज़िल्हा विजापूर, राज्य कर्नाटक), सुभाष पुत्तप्पा कांबळे (वय 55 रा. लवंगी, जि. दक्षिण सोलापूर) असे अटक केलेल्या आरोपींची नावे आहेत. याबाबत श्रवणचे वडील अजय तेलंग बंडगार्डन पोलीस ठाण्यात (Bundgarden Police Station) फिर्याद दिली आहे. ही घटना शनिवारी मध्यरात्री दोनच्या सुमारास पुणे रेल्वे स्थानकाच्या आवारात घडली होती.
तेलंग दाम्पत्य मूळचे भुसावळचे आहे. सासूला भेटण्यासाठी तेलंग आणि त्याची पत्नी पुण्यात आले होते. शनिवारी मध्यरात्री पुणे रेल्वे स्थानकाच्या आवारात तेलंग दाम्पत्य झोपले होते. त्यावेळी अनोळखी व्यक्तीने तेलंग यांचा सात महिन्यांचा मुलगा श्रावण याला उचलून नेले. तेलंग दाम्पत्याला जाग आली. तेव्हा श्रावण जागेवर नसल्याचे आढळून आले. तेलंग दाम्पत्याने त्याचा शोध घेतला. तेव्हा तो सापडला नाही. त्यानंतर घाबरलेल्या तेलंग दाम्पत्याने बंडगार्डन पोलीस ठाण्यात धाव घेऊन फिर्याद दिली. (Pune Railway Station Kidnapping Case)
घटनेचे गांभीर्य ओळखून वरिष्ठ पोलीस निरीक्षक संदीपान पवार मुलाचा शोध घेण्याच्या सुचना तपास पथकाला दिल्या. तपास पथकाने परिसरातील सीसीटीव्ही तपासले. तसेच मोबाईलचे तांत्रिक विश्लेषण केले असता आरोपीने बालकाला विजापुर येथे घेऊन गेल्याचे निष्पन्न झाले. आरोपीने बालकाचे अपरहण करुन त्याला चारचाकी कारमधून प्रथम विजापूर जिल्ह्यातील इंडी येथे नेले. त्यानंतर विजापूर येथे घेऊन गेला.
तपास पथकाचे अधिकारी व अंमलदार यांना विजापूर येथे तात्काळ रवाना करण्यात आले. पथकाने बालकाचा व आरोपीचा शोध घेऊन आरोपी चंद्रशेखर नलूगंडी याला ताब्यात घेतले. त्याच्याकडे सखोल चौकशी केली असता त्याने व त्याचे इतर साथीदारांनी बालकाचे अपहरण केल्याचे सांगितले. तसेच सुभाष पुत्तप्पा कांबळे (वय 55 रा. लवंगी, जि. दक्षिण सोलापूर) यांना बाळाची विक्री केल्याची माहिती दिली. पोलिसांनी सुभाष कांबळे यांचा शोध घेतला असता तो विजापूर शहरातील एका हॉटेल मध्ये असलेची माहिती प्राप्त झाली. पोलिसांच्या पथकाने हॉटेल मध्ये छापा टाकून आरोपीला ताब्यात घेऊन आपहरण बालकाची सुखरुप सुटका केली आहे. (Pune Railway Station Kidnapping Case)
पोलीस पथकाला बक्षीस
अपहरण करण्यात आलेल्या बाळाची सुटका करण्यासाठी बंडगार्डन पोलिसाची तीन पथके तयार करण्यात आली होती.
या पथकांनी योग्य पद्धतीने तपास करुन बाळाची कर्नाटक राज्यातून सुरखरुप सुटका करुन दोन आरोपींना अटक केली.
या उत्कृष्ट कामगिरीबद्दल पोलीस आयुक्त अमितेश कुमार यांनी बंडगार्डन पोलिसांना रोख एक लाख रुपयांचे बक्षिस देऊन पथकाचा गौरव करण्यात आला.
ही कारवाई अपर पोलीस आयुक्त पश्चिम प्रादेशिक विभाग प्रविणकुमार पाटील,
पोलीस उपायुक्त परिमंडळ -2 स्मार्तना पाटील, सहायक पोलीस आयुक्त संजय सुर्वे,
वरिष्ठ पोलीस निरीक्षक संदीपान पवार, पोलीस निरीक्षक गुन्हे श्रीकांत निंबाळकर
यांच्या मार्गदर्शनाखाली सहायक पोलीस निरीक्षक संदीप मधाले, पोलीस उपनिरीक्षक रविंद्र गावडे,
पोलीस उपनिरीक्षक चेतन धनवडे, पोलीस अंमलदार सुधीर घोटकुले, ज्ञानेश्वर बडे, सागर घोरपडे,
मंगेस बोराडे, शिवाजी सरक, मनोज भोकरे, ज्ञानेश्वर गायकवाड, राजु धुलगुडे, विलास केकान यांच्या पथकाने केली.
Follow pune.news on : https://news.google.com/publications/CAAqBwgKMPDv0Aswr4voAw
हे देखील वाचा
Nana Patole On PM Narendra Modi | महाराष्ट्रात मते मागण्याचा मोदींना अधिकार नाही : नाना पटोले
Pune Crime News | पिंपरी : फुटींग होल घेताना जिलेटिनचा स्फोट, कामगाराचा मृत्यू; एकाला अटक