पुणे : Ravindra Dhangekar On Shambhuraj Desai | मंत्री देसाई यांनी गुरूवारी मुंबईत पत्रकार परिषद घेऊन धंगेकर यांना दोन दिवसात माफी मागा अन्यथा कायदेशीर नोटीस पाठवू व बदनामीचा खटला दाखल करू असा इशारा दिला होता. आमदार रवींद्र धंगेकर यांनी राज्य उत्पादन शुल्क विभागाचे (State Excise Department) मंत्री शंभूराज देसाई यांना प्रत्युत्तर दिलेले आहे. (Ravindra Dhangekar On Shambhuraj Desai)
धंगेकर म्हणाले , “मी पुण्यात लाखो विद्यार्थी घरदार सोडून शिक्षणासाठी म्हणून येतात. अशा अनेक मुलांना पब संस्कृतीने विळख्यात घेतले आहे. पुण्याचा वारसाच या संस्कृतीने बदनाम केला आहे. याच्यासाठी काय करणार ते पुणेकरांना सांगा. (Pubs In Pune)
तुम्हीच पुण्याचे खरे गुन्हेगार आहात, अशा शब्दांमध्ये धंगेकर यांनी देसाई यांच्यावर हल्ला चढवला. माझ्यावर हक्कभंग दाखल करत आहात तर करा, मी तुमचे बरेच काही भंग करेल. मी बोलायला लागलो तर सगळे तुमच्यापर्यंत येऊन थांबेल ” असा इशाराही धंगेकर यांनी देसाई यांना दिला.
ते पुढे म्हणाले, ” मला धमकी देऊ नका, त्याऐवजी पुणेकरांची माफी मागा. कल्याणीनगर अपघातानंतर पुण्यात ५० पेक्षा जास्त पब बंद करण्यात आले, याचा अर्थ ते अनिधकृत सुरू होते. मग ज्या खात्याचे तुम्ही मंत्री आहात, त्या खात्याचे आयुक्त चरणसिंग राजपूत यांच्यावर गुन्हा दाखल करा, कारण इतके दिवस ते काय झोपा काढत होते का? म्हणत धंगेकरांनी मंत्री देसाईंना चांगलेच खडेबोल सुनावले.
माझ्यावरील कायदेशीर कारवाईचे सोडा, तुम्ही आधी पुणेकरांची माफी मागा,
कारण विद्येचे माहेरघर असलेला पुण्याचा वारसा पब संस्कृतीने बिघडवला आहे ,
व तुम्ही त्या खात्याचे मंत्री आहात अशा शब्दात आमदार धंगेकरांनी मंत्री देसाईंना प्रत्युत्तर दिले आहे.
Follow pune.news on : https://news.google.com/publications/CAAqBwgKMPDv0Aswr4voAw
हे देखील वाचा
Nana Patole On India Aghadi | इंडिया आघाडी 300 पार , महाराष्ट्रात… नाना पटोलेंचा दावा
Pune Crime News | पुणे : जन्मदात्या बापानेच केले अल्पवयीन मुलीसोबत अश्लील चाळे, नराधम बापाला अटक